Dulu, kira-kira 20 tahun yang lalu, me and my bro Arol tinggal sebilik di rumah lama kami di Bunut yang masa ani kana renovate udah jadi Restaurant Mamih yang inda lagi batah kan siap after approval dari TCP nanti.

Masa atu kami masih lagi ancing and ngisap puting plastic.. Kami ani adi bradi yang inda pernah becarai walau kami kemana-mana bejaur & bedudun iatah satu masalahnya yang kami hadapi pasal telampau active, kami ani inda dapat tidur without my dad becerita for bed time story, so kami panggil lah our dad untuk jadi story teller, becerita or besoal-soal sebelum tidur.

Dibawah ani few collection teka-teki yang kami kana soal oleh daddy kami yang forever young and sentiasa mengancam…

Bapa : Okieee ah .... Lin! Rol! Bah kalau kamu tau, binatang apa yang bejual Bag?

Alin & Arol : Ermmm kangaroo lah…

Bapa : Salah!! Jawapannya Kambing!!

Alin & Arol : Pasal????

Bapa : Sal kambing selalu beterais-terais " Beeeegg!! Beeeeg!! Beeeeg!! *mcm orang bedagang jua tu lai* hehe..

Alin & Arol : awu ah…. Hehehe bapa anieh!!!

Bapa : Bah 2nd question ah, Kalau Ambuk jadi ikan, biskal jadi gajah, ostrich jadi unta, bas jadi timun, manusia jadi apa?

Alin & Arol : Ermmm jadi kreta? jadi kadai? jadi kursi jamban?…

Bapa : Semua Salah!! Jawapannya ... manusia jadi hairan lah!!

Alin & Arol : awu ah…. hehe siuk eh *iski*!!!

Bapa : Bah soalan numbur 3 lagi, kalau kamu handal, binatang apa paling malang??

Alin & Arol : Ermmmm antah.. ambuk? bah chia!!

Bapa : Sutung lah. Hohoho…

Alin & Arol : Pasal???

Bapa : Salnyakan, sutung masa nya hidup, ia jalan reverse aka gostan… seksa jua tu lai all the way!! skali sudahnya mati, kana tutuk lagi dipasar malam!! Huahuahuahua…

Alin & Arol : Hahahah.. awu ah, banar jua, malang banar!! Hehehe.. bah next question lagi pa..

Bapa : Bah… banyak-banyak buah, buah apa ada bapa??

Alin & Arol : Ermmm antah ah..apa?

Bapa : Buah Binjai.. Buahhhh bin Jai… kwang kwang kwang haha

Alin & Arol : Hahahahah… ngok ngek jua banar ah heheh… banar jua heheh

Bapa : Okie next question, Banyak-banyak binatang, binatang apa merakat di muka?? Basar ia binatang atu..

Alin & Arol : Taie lalatlah, ngam??

Bapa : Taie lalat taie ucing!! Bukan binatang tu lai, taie tu… bah chia??

Alin & Arol : Bah apatah??

Bapa : Badak lah, cuba liat ibu, banyak badak tu pagi-pagi sebalum kraja! Hahahaha…

Alin & Arol : Hahahaha.. awu ah badak, banar jua, isuk kami report arah ibu!! Biar bapa kana marah..

Bapa : Hehehe, bah next question lagi, Kalau ayam jadi ikan, itik jadi ikan, ambutit jadi ikan, burung jadi ikan, TV jadi ikan, CD di komunis jadi ikan... ikan jadi apa??

Alin & Arol :Jadi hairan lah.. manusia hairan jua tadi , inda??

Bapa : Hahaha.. salah.. bah chia?

Alin & Arol : Bah apatah??

Bapa : Ikan jadi banyak lah... mun semua kan jadi ikan, hoho kwang kwang kwang Hahahaha…

Alin & Arol : Hohohohoho.... membagi sasak jua ah! hahah..

Bapa : Bah last ah, lapas ani bapa kan mengurancah.... marah karang ibu, liatnya hero nada sebalahnya

Alin & Arol : Heheh bah..

Bapa : Banyak-banyak kreta, kreta apa yang dapat dimakan enginenya??

Alin & Arol : Ermmm.. kreta coklat?? Kreta cake??

Bapa : Ssssalah… bah chia??

Alin & Arol : Bah apa tah??

Bapa : Kereta Lembu!! Hohohohoho….

Alin & Arol : Kereta lembu??hehehe eh awu ah...*double iski*

Bapa : Bah tidur tah, isuk skulah!! Akhir karang bangun, kana makan kamu karang oleh dinosaour. mau kamu?

Alin & Arol : Okie pa, tidur tah kami ni, bah isuk lagi pa ah *cium pipi, salam bapa*

Bapa : Assalamulaikum, sudah basar jangan panyaluru arah orang tua-tua!!

Alin & Arol : Walaikumsalam pa…hehehe adakah badak!! Adakah sutung!! *giggling*

Alin to Arol : Isuk bang Alin menyoal kawan bang alin di skulah, biar dorang..hehe

Arol : Arol pun jua eh…